Un club de lectura é dun grupo de persoas que len á vez o mesmo libro e reúnense periodicamente para comentalo. Ler acompañado é moito máis doado e atractivo que facelo só. Este concepto non implica compartir fisicamente un libro con outra persoa. Un libro debe lerse só, non hai outro modo, porén, a través dos clubs esa soidade rómpese cando o lector se decata de que non é o único que está a ler. Non é unha xuntanza para especialistas en crítica literaria nin para profesores de literatura, senón para lectores comúns. O obxectivo principal do club de lectura non é a análise exhaustiva da obra literaria senón incrementar o pracer da lectura ao compartilo con outros. No grupo hai un coordinador que se encarga de moderar o grupo: reparte quendas de palabra, lanza preguntas para animar o debate, corta intervencións excesivamente longas, etc...