SHERLOCK HOLMES
ANOTADO
- Las Novelas
- Sir Arthur Conan Doyle
- Ed. Akal
|
"Sherlock Holmes anotado - Las novelas"( editorial Akal. Tradución de Silvana Appeceix ) é a publicación sobre o personaxe, máis importante das últimas catro décadas, editada por unha das máximas autoridades sherlockianas do mundo, Leslie S. Klinger. As súas páxinas conteñen os catro «relatos longos» de Sherlock Holmes publicados entre 1887 e 1915:" Estudio en escarlata", "El signo de los cuatro", "El sabueso de los Baskerville" e "El valle del miedo". Quen non coñeza ao famoso detective apreciará a clara presentación que fai Klinger de cada unha das novelas na orde orixinal en que foron publicadas, mentres que os sherlockianos experimentados quedarán cativados polas case 1.000 notas coidadosamente investigadas que ofrecen ampla e precisa información histórica sobre a Inglaterra victoriana e eduardiana, ademais de detalladas explicacións sobre as teorías sherlockianas máis importantes. Ademais, Klinger recompilou ao redor de 400 ilustracións contemporáneas e fotografías de época que inclúen o traballo dos primeiros ilustradores norteamericanos, o do inmerecidamente esquecido artista alemán Richard Gutschmidt e todos os lendarios debuxos de Sidney Paget para "Strand Magazine". Este volume final de Sherlock Holmes anotado inclúe unha extensa bibliografía e unha táboa cronolóxica que presenta sinxelas referencias ás datas máis destacadas das vidas de Holmes, Watson e Conan Doyle. Leslie S. Klinger é considerado unha das máximas autoridades sobre dúas iconas da Inglaterra victoriana como son Sherlock Holmes e Drácula (deste último tamén ten unha edición anotada). A súa edición anotada das historias curtas de Sherlock Holmes( que seguramente Akal sacará a venda próximamente) gañou o premio Edgar á mellor obra crítica ou biográfica e outros moitos nomeamentos no ámbito da literatura de misterio. O único inconveniente do libro é o seu tamaño e peso (912 páxinas). |
 |
