DOUS NOVOS SEMINARIOS MULTIMEDIA PARA A AULA CeMIT Do Concello de Redondela EN 2011:

Os seminarios multimedia nacen coa finalidade de formar á cidadanía na creación de contidos multimedia e no manexo das novas tecnoloxías, están organizados pola Xunta de Galicia a través da Rede de Aulas CeMIT. Os que están previstos para Redondela son:

CREACIÓN DE WEBS PARA DISPOSITIVOS MÓBILES -OUTUBRO-
  • Cando: 1ª tanda: do 24 ao 27 de outubro - 2ª tanda: do 31 de outubro ao 04 de novembro
  • Duración: catro (4) sesións, de luns a xoves (30 horas) na 1ª tanda, e o luns, mércores, xoves e venres na 2ª tanda (debido ao festivo)
  • Horarios: mañán (10:00 a 12:30 horas) ou serán (16:30 a 19:00 horas)
  • Pre-inscrición: ata o 10 de outubro, cumprimentando o seguinte formulario. CURSO GRATUÍTO
  • Máis información: formacion-cemit@xunta.es ou no teléfono 902 222 321
  • É preciso que os interesados/as neste curso teñan coñecementos de desenvolvemento de web tradicional con HTML e estilos, así como comprendan a diferenza entre contido e visualización e ter deseñado sen usar táboas. ESTES CURSOS FARANSE A PARTIR DUN MÍNIMO DE 5 ALUMNOS MATRICULADOS.

STREAMING DE VIDEO E DE AUDIO - NOVEMBRO-
  • Cando: 1ª tanda: do 21 ao 24 de novembro - 2ª tanda: do 28 de novembro ao 01 de decembro
  • Duración: catro (4) sesións, de luns a xoves (30 horas)
  • Horarios: mañán (10:00 a 12:30 horas) ou serán (16:30 a 19:00 horas)
  • Pre-inscrición: ata o 07 de novembro, cumprimentando o seguinte formulario. CURSO GRATUÍTO
  • Máis información: formacion-cemit@xunta.es ou no teléfono 902 222 321
  • É preciso ter coñecementos de medios de informática e recoméndase ter usado ferramentas informáticas de edición de vídeo. ESTES CURSOS FARANSE A PARTIR DUN MÍNIMO DE 5 ALUMNOS MATRICULADOS.

SUSPENDIDOS OS cursos  MUNICIPAIS de informática do Concello de Redondela NO ÚLTIMO TRIMESTRE DE 2011:

Temporalmente suspendense os cursos municipais de informática. Esperamos poder ter novos cursos a partir de principios de 2012. Pedimoslles desculpas aos/ás alumnos/as que estaban pendentes de matricularse ou en lista de espera, así como á todas as persoas interesadas.

NOVA WEB MUNICIPAL

Pódese visitar a nova web municipal no mesmo enderezo de sempre, www.redondela.es cun novo deseño e contidos ampliados.

Mais información no Telecentro de Redondela (Multiusos 2º andar - 986 400 366 - formacioninformatica@redondela.es ).

Só o 15 % dos galegos utiliza internet para facer trámites ante a Administración

A pesar de que cada vez son máis os procedementos administrativos que se poden resolver, ou polo menos iniciar, a través de internet, os galegos seguen optando maioritariamente por resolver as súas xestións ante a Administración en persoa. Segundo os últimos datos do Observatorio Galego da Sociedade da Información, o ano pasado só o 15 % dos cidadáns utilizou internet polo menos nunha ocasión para presentar solicitudes ou formularios ante algunha Administración pública.